एका व सांगा

                    🔹  उपक्रम 🔹
                       ऐका व सांगा.


 ●उद्देश :- तोंडी सांगितलेली माहिती पुन्हा
              सांगता येणे.

●सूचना :- सांगितलेली माहिती काळजीपूर्वक
               ऐका व परत सांगा.

●उपक्रमासाठी वापरावयाच्या माहितीचे
  काही नमुने --

 (१)सूर्य सकाळी उगवतो.
     सूर्य संध्याकाळी मावळतो.

 (२)बदक पाण्यात पोहते.
     घार आकाशात उंच उडते.

(३)उन्हाळ्यात कडक ऊन असते.
    हिवाळ्यात थंडी वाजते.

(४)ऊस गोड असतो.
    मिरची तिखट असते.

(५)चिंचेचे पान छोटे असते.
    वडाचे पान मोठे असते.

(६)कापसापासून कापड बनते.
    ऊसापासून साखर बनते.

(७)आपली नखे नियमित कापावीत.
     केस स्वच्छ असावेत.

(८)मेथी,पालक या पालेभाज्या आहेत.
     पालेभाज्या नेहमी खाव्यात.

(९)वाहने रस्त्यावरून धावतात.
    लोक बाजूने चालतात.

(१०)आम्ही बसने शाळेत जातो.
      आम्ही बसने घरी येतो.

(११)आमच्या गावात तलाव आहे.
       तलावात मासे आहेत.

(१२)ही आमची शाळा आहे.
      आम्हाला शाळा खूप आवडते.

(१३)आम्ही दररोज शाळेत येतो.
       आमच्या बाई गोष्टी सांगतात.

(१४)रात्री आकाशात चंद्र दिसतो.
       मुले चांदण्यात खेळतात.

(१५)रात्र संपते, सकाळ होते.
       पाखरांची किलबिल सुरू होते.

(१६)आम्ही सकाळी लवकर उठतो.
       दात स्वच्छ घासून तोंड धुतो.

(१७)अंगणात नळ चालू होता.
       सुप्रियाने नळ बंद केला.

(१८)गावात घरे असतात.
      शहरात उंच इमारती असतात.

(१९)शाळेसमोर आंब्याचे झाड आहे.
       त्याला आंबे लागतात.
      आंबे गोड असतात.

(२०)बाई फळ्यावर लिहितात.
       मी पाटीवर लिहिते.
       दादा वहीवर लिहितो.